Me 1890 fara kanabisi në kofanon e makinës, pranga 26-vjeçarit në Krujë

Policie e Krujës ka arrestuar një 26-vjecar të cilit iu gjetën 1890 fara narkotike dhe pajisje për kultivimin e kanabisit.

Në kuadër të operacionit policor të koduar “Ndërprerja” u vu në pranga shtetasi F. K., 26 vjeç, banues në Krujë.

Në vendin e quajtur “Rruga e Burrelit” shërbimet e Policisë kanë bërë ndalimin e automjetit me drejtues shtetasin F. K, dhe gjatë kontrollit të automjetit, në kofanon e automjetit i gjetën dhe sekuestruan 1890 fara narkotike, të cilat dyshohet se do përdoreshin me qëllim kultivimi.

Më tej, gjatë kontrollit të banesës, shërbimet e Policisë kanë gjetur e sekuestruar pajisje për kultivim të lëndëve narkotike.

Materialet procedurale i kaluan Prokurorisë, për veprime të mëtejshme.