Me dokumente false në portin e Durrësit, arrestohet irakeni, procedohet turku

Një 42-vjeçar banues në në Bagdad është arrestuar në portin e Durrësit, pasi tentoi të kalonte kufirin me dokument fals.

“Në përfundim të veprimeve të kryera nga specialistët për Hetimin e Krimit Ekonomiko-Financar të DVP Durrës u bë arrestimi në flagrancë, për veprën penale “Falsifikimi i dokumenteve”, i shtetasit Z. A., 42 vjeç, banues në Baghdad”- njofton policia.

Po në këtë port është ndaluar edhe 27-vjeçari i identifikuar si A. B., banues në Turqi, i cili tentoi të kalonte kufirin, me dokumentin e një shtetasi tjetër, me të cilin kishte ngjashmëri.

Ky i fundit është proceduar në gjendje të lirë.

Policia Kufitare, në bashkëpunim me autoritetet doganore dhe Policitë vendore, do të vijojë kontrollet e imtësishme, me qëllim parandalimin dhe goditjen e çdo paligjshmërie.

LEXONI GJITHASHTU: 

• Sekuestrohen 13 mijë euro veshje e 17 420 paund në Rinas, procedohen 3 persona
• Kondicioneri jo më shumë se 22 gradë, eksperti tregon si të kursejmë energjinë