“Më hoqi tutat”, rrëfehet 15-vjeçari që u tentua të abuzohej seksualisht

15 vjeçari nga Devolli i cili është abuzuar seksualisht nga Aleks Ago, ka rrëfyer për Euronews Albania se si nisi ngjarja ditën që u mor me forcë nga 45-vjeçari, i cili tashmë është arrestuar nga policia për abuzim seksual.

I mituri ka dhënë detaje teksa thekson se 45-vjeçari, ka shfrytëzuar momentin që 15-vjeçari ka qenë vetëm pa praninë e një të rrituri dhe është munduar ta gënjejë me pretekstin se do i tregonte diçka dhe do i jepte para.

“E njoh që para 3 ditësh. Më thoshte hajde me mua se do të jap lekë dhe iu përgjigja se s’kam nevojë për lekë sepse më jep mami. Pastaj më çoi në një vend dhe filloi të më prekte, tentoi të më hiqte tutat por un se lashë. E shpova me një mjet që kisha dhe ika me vrap. Pastaj mamit ia tregova kur ika nga ai vend, teksa ikja për shpi, ishte diku ora tetë.

Ai më thërriste vazhdimisht, por duke qenë se isha me të mëdhenj nuk më linin, ata më mbanin. Atë ditë që s’kishtë më të mëdhenj, më mori më zor në këmbë sepse nuk kishte makinë. I thoja vazhdimisht më lësho se nuk kam çfarë të bëj atje dhë më thoshte hajde se do të tregoj diçka. Vajta me të sepse s’kisha çfarë të bëja. Më thoshte të ulesha dhe aty filloi të më prekte”, ka rrëfyer i mituri 15-vjeç.

LEXONI GJITHASHTU:

• 45-vjeçari tentoi të abuzonte me të miturin, nëna: I ofroi para, si shpëtoi djali
• Ngacmonte seksualisht një të mitur, arrestohet 45-vjeçari në Korçë