Me jelek anti-plumb, bashkëpunëtori i Ervis Martinajt mbyll gojën në gjykatë

Të enjten, Gjykata e Kurbinit i komunikoi masën e sigurisë “arrest me burg” agjentit të Forcës së Posaçme Operacione Jeton Lami, i cili dyshohet se ka transportuar të shumëkërkuarin Ervis Martinaj. Lami u shfaq sot teksa futej në furgonin e policisë me jelek anti-plumb.

Në seancën e sotme gjyqësore, agjenti i policisë ka refuzuar që të flasë para togave të zeza.

Avokati i tij, Gentian Rumano u shpreh për mediat se do të apelojë vendimin dhe hodhi poshtë të gjithë akuzat ndaj klientit të tij.

Ervis Martinaj dyshohet se javët e fundit ishte strehuar në qytetin e Durrësit, ndërkohë që familjarët e tij e denoncuan në polici se kishin humbur çdo lloj kontakti me të.

Deri më 13 gusht, Martinaj është strehuar në këtë qytet dhe më pas dyshohet punonjësi i polici Jeton Lami e ka transportuar atë drejt qytetit të Tiranës.

Burimet bëjnë me dije se Martinaj zgjodhi Lami për ta transportuar në këmbim të ryshfetit, pasi ky i fundit ka pasur informacion se ku ndodheshin postblloqet e Policisë.

Në këtë mënyrë Martinaj mund të lëvizte pa problem dhe pa u pikasur nga punonjësi i policisë.

LEXONI GJITHASHTU:

• “Do e apelojmë’, avokati i agjentit hedh poshtë akuzat për bashkëpunim me Martinajn
• Arrest me burg për agjentin e policisë që ndihmoi Ervis Martinajn të largohet
• E transportoi nga Durrësi në Tiranë, pse Ervis Martinaj zgjodhi agjentin e policisë