Me lëndë narkotike dhe armë pa leje në banesë, arrestohet 18-vjeçari

Operacioni i koduar “Owner” ka finalizuar me sukses një goditje ndaj veprimtarive kriminale në fushën e narkotikëve dhe armëmbajtjes pa leje në Gjirokastër.

Si rezultat i këtij operacioni, u arrestua E. M., 18 vjeç, banues në fshatin Lazarat, i cili u kap me një sërë armësh dhe sendeve të kundërligjshme.

Gjatë kontrollit fizik të 18-vjeçarit dhe inspektimit të banesës së tij, policia zbuloi një arsenal të armëve dhe municioneve, si dhe një sasi lënde narkotike. Ndërkaq u sekuestruan:

• 1 armë zjarri kallashnikov dhe një krehër për të.

• Një sasi municioni luftarak.

• 14 kapsolla detonatore elektrike.

• 1 kallëp eksplozivi.

• Një sasi lënde narkotike të dyshuar kokainë.

Materialet procedurale iu referuan Prokurorisë pranë Gjykatës së Shkallës së Parë Gjirokastër, për veprime të mëtejshme.

LEXONI GJITHASHTU:

• Elbasan/ Falimentuan 7 fasoneri për të shmangur tatimet, ekzekutohen 4 masa sigurie
• Mali i Zi do të prodhojë dronë në bashkëpunim me SHBA-në