Dy persona kanë rënë në prangat e policisë së Tiranës, pasi u kapën me rreth 3 kg e 100 gramë lëndë narkotike kanabis.
Shtetasit M. B., 30 vjeç, dhe S. R., 23 vjeç, u ndaluan në Babrru, ku gjatë kontrolleve në automjetin e 30-vjeçarit u zbulua dhe lënda narkotike.
Materialet në ngarkim të tyre i kaluan Prokurorisë për veprime të mëtejshme.
“Shërbimet e Seksionit për Hetimin e Narkotikëve, në vijim të operacioneve të njëpasnjëshme për goditjen e veprimtarive kriminale në fushën e narkotikëve, të mbështetura nga inteligjenca policore, kanë organizuar dhe kanë finalizuar operacionin policor të koduar “Zalli”.
Gjatë operacionit u arrestuan shtetasit M. B., 30 vjeç, dhe S. R., 23 vjeç, të dy banues në Tiranë.
Shërbimet e Policisë kanë lokalizuar në Babrru, dy shtetasit e lartpërmendur dhe gjatë kontrollit të automjetit të shtetasit M. B., gjetën lëndën e dyshuar narkotike e cila u sekuestrua në cilësinë e provës materiale”, thuhet në njoftimin e policisë.
LEXONI GJITHASHTU:
- Me kanabis në makinë gati për shitje, arrestohen 4 persona në Shkodër
- Po transportonin 8,2 kg kanabis, arrestohen dy vëllezërit në Kurbin
