“Më ndihmoni të gjej djalin”- Apeli rrëqethës i nënës shqiptare në Greqi

Mediat greke kanë publikuar rastin e një nëne me origjinë nga Shqipëria e cila kërkon informacion për djalin e saj që ndodhej në vagonin numër 5 të trenit që u aksidentua në Larisa.

Mirela Ruçi deklaron se i biri i saj 22-vjeçari Denis Ruçi, vijon të mbetet i zhdukur dhe ajo nuk ka asnjë informacion në lidhje me të.

Me foton e djalit në dorë, ajo apelon se kushdo që mund të ketë informacion mbi të birin është i lutur ta kontaktojë.

“Djali im nuk është në asnjë listë zyrtare deri më tani dhe nuk kam asnjë informacion. Unë i lutem kujtdo që mund ta ketë parë atë, në vagonin 5, sedilja 22, të më kontaktojë,” u tha ajo gazetarëve.

Të afërm të pasagjerëve të shpallur ende si të pagjetur presin jashtë spitalit për lajme nga të afërmit e tyre.

Zyrtarët e Ministrisë së Shëndetësisë thanë se të gjitha identifikimet e viktimave do të kryhen duke kombinuar mostrat e ADN-së nga të afërmit, dhe jo identifikim visual sepse shumë prej viktimave janë djegur dhe copëtuar.

Kujtojmë se aktualisht janë 4 shqiptarë që rezultojnë të zhdukur në aksidentin tragjik hekurudhor në Greqi.

LEXONI GJITHASHTU: 

• “Iku të lexonte”, prindërit rrëfejnë bisedën e fundit me Latën: I thamë rri, por..
• Studente e shkëlqyer mjekësie, konfirmohet vdekja e 21-vjeçares shqiptare në Greqi
• Gjykata nuk i dha vulën Berishës, Alibeaj bën ‘lëvizjen e radhës’ të hënën