“Me Ramën s’ka zgjedhje”, Berisha: Vetëm protesta të fuqishme

Sali Berisha ka deklaruar për mediat se me kryeministrin Edi Rama, zgjedhjet janë vetëm farsë dhe rrjedhimisht zgjidhja janë protestat e fuqishme.

Sipas tij çfarë ndodhi dje në parlament përbën “atentatin më të shëmtuar të narkoshtetit ndaj pluralizmit parlamentar në 32 vite”.

Gjatë seancës parlamentare të së enjtes mazhoranca socialiste nuk ka pranuar kërkesën e grupit parlamentar të PD-së për të ndryshuar përbërjen e komisionit të Reformës Zgjedhore. Në këto kushte, votimi është bllokuar dhe deputetët e opozitës pretendojnë se mazhoranca i ka mohuar opozitës një të drejtë kushtetuese.

“Edi Rama tregoi se nuk pranon pluralitetin e vërtetë në parlament dhe në një akt të pashembullt, në mënyrë absolute në asnjë vend tjetër pluralist, merr përsipër t’i caktojë opozitës, përfaqësuesin që do ai. Siç bëri në zgjedhjet e 14 majit me kryetarin e koalicionit. Të gjitha këto janë çështje thelbësore të cilave opozita duhet t’u përgjigjet dhe do u përgjigjet,” – u shpreh Berisha.

LEXONI GJITHASHTU:

• Gazetari: Pse Gazment Bardhi mori në mbrojtje familjen Berisha
• Berisha: Nuk e maskoni dot, deklaratën e Ramës që kërkon të shkëpusë Veriun