Me skafandra dhe shkop gome, FNSH blindon parlamentin para protestës

Seanca plenare e kësaj të enjteje pritet të jetë aspak normale, me opozitën që do të protestojë në ambientete e jashtme të parlamentit.

Siç shihet dhe nga pamjet e siguruara nga Euronews pak përpara seancës, ekipet e FNSH-së dhe RENEA ndodhen në ambientet e parlamentit, si pjesë e planit të masave për mbarëvajtjen e protestës. Ata shihen të pajisur me skafandra dhe shkop gome.

Tubimi para Kuvendit të Shqiperisë, është thirrur nga ish-kryeministri Berisha, Demokatët protestojnë në lidhje me aferën e ish-zyrtarit të FBI-së Charles McGonigal dhe përmendja e emrit të kryeministrit Rama në dosje.

12 deputetë të Partisë Demokratike do të mungojnë, në seancën e sotme pasi janë përjashtuar për shkak të sjelljes në seancat e kaluara.

Deputetët që do të mungojnë sot janë Sali Berisha, Gazment Bardhi, Flamur Noka, Edi Paloka, Belind Këlliçi, Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji dhe Bledion Nallbati.

Ndërkohë në rendin e ditës të seancës së sotme është parashikuar të shqyrtohet kërkesa për shkarkimin e Lindita Nikollës si kryetare Kuvendi.