Me spitalet plot dhe mijëra vdekje Covid, Kina vendos hapjen e kufijve

Kina do të heqë karantinën për udhëtarët nga 8 janari, thanë zyrtarët, duke shënuar një ndryshim të madh nga qasja zero Covid e ndjekur deri tani nga Partia Komuniste.

Pas gati tre vitesh kufij të mbyllur, kjo shënon rihapjen e vendit për personat me viza pune dhe studimi, ose që kërkojnë të vizitojnë familjen.

Kjo hapje e vendit vjen në një moment që Kina po lufton me përhapjen e egër të virusit pas heqjes së kufizimeve.

Raportet thonë se spitalet janë të mbingarkuar dhe të moshuarit po vdesin.

Numri i vërtetë i rasteve të vdekjeve, aktualisht nuk dihet ende sepse zyrtarët kanë ndaluar publikimin e të dhënave Covid.

Pekini kishte raportuar rreth 4,000 infeksione të reja Covid çdo ditë javën e kaluar.

Të dielën autoritetet njoftuan se do të ndalonin fare publikimin e numrave të rasteve. Por firma britanike e të dhënave shëndetësore Airfinity vlerësoi se Kina po përjetonte më shumë se një milion infeksione dhe 5,000 vdekje në ditë, sipas Reuters.

LEXO GJITHASHTU: 

• Me rritjen e rasteve të COVID në Kinë, rritet edhe rreziku i një varianti të ri
• COVID gjunjëzon Kinën, parashikimi: 1 milion njerëz do vdesin në 2023