Mediat e kontrolluara nga Hamasi: 13 mijë palestinezë janë vrarë gjatë konfliktit

Mediat qeveritare të kontrolluara nga Hamasi kanë raportuar gjatë ditës së sotme se të paktën 13 mijë palestinezë janë vrarë dhe 30 mijë janë plagosur në Gaza që nga 7 tetori.

Po ashtu, sipas mediave të huaja, që citojnë zyrën e mediave qeveritare të Hamasit, të paktën 5,500 nga të vdekurit janë fëmijë dhe 3,500 janë gra.

Kujtojmë se konfliktet mes dy vendeve u rikthyen pas një sulmi me rreth 1400 viktima të kryer nga Hamasi në territorin izraelit në 7 tetor.

Po ashtu, veç viktimave, Hamasi mori edhe rreth 240 pengje të kombësive të ndryshme nga hapsira izraelite.

Kjo çoi në nisjen e një sulmi vdekjeprurës nga Izraeli në territorin e Gazës, ku thuajse i gjithë territori është i shkatërruar.

LEXONI GJITHASHTU:

• Netanyahu hedh poshtë thirrjet për armëpushim
• “S’kërkojmë pushtimin e Gazës”- Netanyahu: Cilat janë qëllimet tona