Mediat serbe: Arrestohen 3 efektivë të Kosovës në Serbinë qendrore

Media serbe raportojnë se 3 pjesëtarë të njësive speciale të policisë Kosovës janë arrestuar në territorin e Serbisë qendrore.

Kurir shkruan se për këtë veprim është njoftuar me urgjencë presidenti i vendit, Aleksandar Vuçiç, i cili ndodhej në ambasadën ruse, ku mori pjesë në pritjen me rastin e festës së Ditës së Rusisë.

“Pas marrjes së njoftimit presidenti shkoi menjëherë në ndërtesën e Presidencës”, shkruan Kurir.

Mediat serbe nuk kanë publikuar emrat e efektivëve të arrestuar, por kanë ndarë vetëm disa foto nga operacioni.

Në bazë të informacioneve nga policia e Kosovës, tre efektivët nuk janë arrestuar por janë rrëmbyer nga njësitë special serbe teksa po patrullonin në kufi.

LEXO GJITHASHTU:

• Policia e Kosovës: Tre efektivë janë rrëmbyer në veri të vendit
• Rrëmbimi i policëve të Kosovës, Sveçla: Serbia po tregon fytyrën, shtet agresor