Medvedev sulmon Evropën: Koalicioni i luftë nxitës i lëpiu të pasmet Trumpit

Nënkryetari i Këshillit të Sigurisë së Rusisë, Dmitry Medvedev, ka kritikuar ashpër koalicionin perëndimor për qëndrimin e tij ndaj presidentit amerikan Donald Trump, pas samitit të zhvilluar së fundmi në Uashington.

Në një postim në rrjetet sociale, Medvedev tha se koalicioni “anti-rus” nuk arriti të mposhtë Trumpin në territorin e tij dhe akuzoi Evropën se e ka mbështetur atë pa kushte.

“Koalicioni luftënxitës anti-rus dështoi ta mposhtë Presidentin e SHBA-së Donald Trump në territorin e tij. Evropa e falënderoi dhe ia puthi të pasmet.”- shkroi në rrjetet sociale nënkryetari i Këshillit të Sigurisë së Rusisë, Dmitry Medvedev, duke komentuar samitin e djeshëm në Uashington.

“Pyetja është: çfarë melodie do të luajë kllouni në Kiev në lidhje me garancitë dhe territoret pasi të kthehet në shtëpi, duke veshur përsëri uniformën e tij të gjelbër ushtarake?” – shtoi Medvedev.

Komentet e Medvedevit pasqyrojnë tensionet dhe ndasitë në skenën ndërkombëtare në lidhje me krizën në Ukrainë dhe marrëdhëniet SHBA-Rusi.

LEXONI GJITHASHTU:

• Takimi me Zelenskyn dhe telefonata e Putin me Trump, reagon Kremlini
• Kremlini publikon detaje nga samiti, si do të zhvillohen negociatat Trump–Putin