Medvedev: Zelensky po përpiqet të prishë zgjidhjen e konfliktit! Duhet të fshihet për gjithë jetën

Zëvendëskryetari i Këshillit të Sigurisë Ruse, Dmitry Medvedev përmes një postimi në “X” ka reaguar lidhur me pretendimet e Rusisë së Ukraina ka sulmuar me dronë rezidencën e presidentit rus Vladimir Putin.

Medvedev shkruan se presidenti ukrainas, Volodymyr Zelensky po përpiqet të prishë zgjidhjen e luftës dhe se dëshiron luftë.

“Ky bast**d i ndyrë nga Kievi po përpiqet të prishë zgjidhjen e ‘konfliktit’. Ai dëshiron luftë. Epo, tani të paktën do të duhet të qëndrojë i fshehur për pjesën tjetër të jetës së tij të padobishme”, shkroi ish-presidenti dhe kryeministri i Rusisë në platformën e rrjeteve sociale X.

Ministri i Jashtëm rus, Sergei Lavrov u tha gazetarëve të hënën, Ukraina nisi një sulm ndaj rezidencës së Putin në rajonin e Novgorodit, duke lëshuar 91 dronë. Sipas tij të gjithë dronët u shkatërruan nga mbrojtja ajrore ruse.

Megjithatë, presidenti ukrainas mohoi se sulmi ka ndodhur, duke akuzuar Moskën se po përpiqet të prishë bisedimet e paqes me akuza të rreme.