Megaoperacioni në vend, në total arrestohen 200 persona, sekuestrohen drogë e armë

14 Shtator 2023 | 09:54

Një megaoperacion anti-drogë është shtrirë sot në të gjithë vendin ku deri më tani janë arrestuar 200 persona.

Operacioni i zhvilluar nga RENEA , FNSH dhe qindra punonjës të policisë është shtrirë në Tiranë, Durrës, Fier, Elbasan, Shkodër, Gjirokastër, Korçë Vlorë e Sarandë.

Mësohet se janë sekuestruar drogë dhe armë zjarri.

TIRANË

Në Tiranë janë lëshuar 112 urdhër  arreste të cilat ende nuk janë ekzekutuar.

Operacioni ka nisur në janar të këtij viti ndërsa bëhet fjalë se urdhër arrestet janë lëshuar për persona të cilët merren me shpërndarjen e lëndëve narkotike.

Në kryeqytet janë sekuestruar rreth 3 kg kokainë dhe 15 kg kanabis.

Zonat në të cilat operonin në kryeqytet këta persona janë në Ali Dem, “5-Maj”, Laprakë, Bllok, Komuna e Parisit, Qytet Studenti, Kamëz, Ish Parku i Autobuzave, Astir, Krujë dhe Vorë.

KORÇË

Më shumë se 18 persona janë arrestuar gjatë orëve të fundit nga drejtoria vendore e qarkut të Korçës. Ndërkohë 15 persona janë në kërkim.

Në operacion janë përfshirë me shumë 50 forca policie të cilët janë shtrirë jo vetëm në qytetin e Korçës por edhe në zonat e tjera të juglindjes së vendit.

ELBASAN

Në kuadër të operacionit anti-drogë që po zhvillohet në mbarë vendin, në Elbasan janë arrestuar 9 persona, mes të cilëve edhe një punonjës policie Sajmir Hysa.

Në pranga kanë rënë Gildi Ballolli, Françesk Braho, Evis Duzha, Rapi Malaj, Sajmir Rexhepi, Stiven Faqolli.

SIpas burimeve 5 të tjerë janë shpallur në kërkim. Ndërkohë janë sekuestruar 1 kg hashash, 3 armë, dy thika, doreza etj.

VLORË

Burime bëjnë me dije se në Vlorë deri më tani, numri i të arrestuarve ka shkuar në 50.

Të arrestuarit në mbarë vendin, dyshohen për shpërndarje lëndësh narkotike, armëmbajtje pa leje dhe shpërdorim detyre.

GJIROKASTËR

Edhe policia në Gjirokastër po zhvillon një aksion të gjerë për asgjësimin e sipërfaqeve të mbjella me lëndë narkotike dhe ndalimin e personave të inkriminuar.

Vijon…

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

U plagos në Lozhan të Maliqit, efektivi i ‘Shqiponjave’ niset me helikopter drejt Traumës

Efektivi i ‘Shqiponjave’ Edison Adri që mbeti i plagosur nga operacioni në Lozhan të Maliqit, është nisur për mjekim të specializuar drejt Spitalit të Traumës...
09:44 | 04/06/2026

Vrasja e policit në Korçë, reagon Rama: Nderim përjetë Dëshmorit të Atdheut

Kryeministri Edi Rama ka reaguar menjëherë pas ngjarjes së rëndë të ndodhur në Maliq, teksa gjatë një operacioni policor efektivi i Shqiponjës Enea Mekolli humbi...
09:33 | 04/06/2026

Vrau një polic dhe plagosi një tjetër, del fotoja e autorit të ngjarjes së rëndë në Maliq

Ky është Violand Braçellari, autori i vrasjes së një efektivi polici dhe plagosjes së një tjetri në Korçë. Nga përplasja me armë humb i jetën...
09:31 | 04/06/2026