Melania Trump: SHBA duhet të bashkohen, ne duhet të ushqejmë farat e lirisë

Ish-zonja e parë e SHBA-së, Melania Trump, tha se Shtetet e Bashkuara të Amerikës duhet të jenë të bashkuara, duke shtuar se barazia duhet të jetë “përvoja e përditshme e amerikanëve”.

“Ne duhet të bashkohemi në përpjekjet tona për të krijuar një shoqëri ku barazia është përvoja e përditshme e çdo amerikani”, tha Melania Trump për Fox New.

Ajo shtoi se amerikanët duhet së bashku “të ushqejnë dhe mbrojnë farat e lirisë”.

“Kur është e suksesshme, Amerika lulëzon në një vend të mrekullueshëm ku të gjithë mund të praktikojnë besimet e tyre, të ndajnë ide të reja dhe të shprehin individualizëm”, tha gruaja e ish-presidentit amerikan Donald Trump.

Gjatë fundjavës, Melania Trump do të drejtojë një ngjarje në Mar-a-Lago, e cila do të organizohet nga “Log Cabin Republicans” – organizata më e madhe republikane në SHBA që merret me të drejtat e anëtarëve konservatorë të komunitetit LGBT.

LEXONI GJITHASHTU:

• Nju Jork, një person i vë zjarrin vetes para gjykatës ku mbahet gjyqi ndaj Trump
• Stano: Arrestimi i zyrtarëve policorë të Kosovës nga Serbia, shqetësues