Meloni i përgjigjet Zelenskit: Mund të mbështeteni te Italia

Liderja e ekstremit të djathtë, Giorgia Meloni, deklaroi se Ukraina mund të llogarisë mbështetjen e re të qeverisë italiane.

“E dini se mund të llogarisni mbështetjen tonë besnike në kauzën për lirinë e popullit ukrainas. Qëndroni të fortë dhe kini besim”, shkroi Meloni në një postim në Twitter.

Meloni iu përgjigj një urimi të presidentit ukrainas, Volodimir Zelenski.

“Ne vlerësojmë mbështetjen e vazhdueshme të Italisë për Ukrainën në luftën kundër agresionit rus. Ne llogarisim partneritetin produktiv me qeverinë italiane”, u shpreh ai.

Dear @ZelenskyyUa, you know that you can count on our loyal support for the cause of freedom of Ukrainian people. Stay strong and keep your faith steadfast! 🇮🇹🇺🇦

— Giorgia Meloni 🇮🇹 ن (@GiorgiaMeloni) September 27, 2022

Kryeministri në largim i Italisë, Mario Draghi, ka qenë një prej mbështetësve më të fuqishëm të sanksioneve të Bashkimit Evropian kundër Rusisë, për shkak të luftës në Ukrainë.

Meloni pritet të bëhet kryeministrja e parë grua e Italisë dhe pritet të udhëheqë një qeveri djathtiste, me prirjet më ekstreme që nga koha e Luftës së Dytë Botërore.

LEXONI GJITHASHTU

• Pro bashkimit me Rusinë, Putin shpall të premten vendimin për referendumet
• Pse referendumi i sotëm rrezikon ‘fillimin e fundit të luftës’ në Ukrainë?
• Çfarë është BRICS – dhe rendi i ri botëror që ai propozon?