Meloni në Napoli, premton luftë kundër krimit

Kryeministrja e Italisë, Giorgia Meloni vizitoi qytetin e Napolit, ku premtoi se do të përmirësojë sigurinë në zonat periferike, ku ndihet influenca e krimit dhe ku dy vajza u dhunuan nga një bandë të rinjsh.

Meloni kaloi disa orë në zonën ‘Parco Verde’ në provincën e Kaivanos, ku vajzat, dy kushërira të moshave 11 dhe 12 vjeçe u sulmuan.

Meloni u takua me famullitarin dhe zyrtarë të tjerë lokale. Ajo premtoi se një kompleks i braktisur sportiv, ku verifikohen dhe shumë ngjarje kriminale, do të riparohet dhe do të jetë gati brenda pranverës së ardhshme.

Vizita e Melonit konsiderohet një përpjekje për të afirmuar zotimet e qeverisë së saj për të luftuar krimin e organizuar.

Sindikata kriminale Kamorra, bizneset ilegale të të cilës përfshijnë trafikun e drogës, ushtron një influencë të fortë në Napoli dhe periferitë e tij, të konsideruara ndër më të varfrat e Italisë.

LEXONI GJITHASHTU:

• Italia e Jugut do bëhet më e pasur se Gjermania e Franca, pretendon partia e Melonit
• “Meloni, fushatë për Shqipërinë”, Renzi: Shpresoj vitin tjetër të promovojë Italinë