Menaxhimi i krizës së energjisë, Shushku: Të promovohen investimet e reja, të hiqen taksat abuzive

Vendi po preket nga një krizë globale e energjisë, paralajmëroi sot kryeministri Rama, pa dhënë mënyra se si kjo situatë mund të zgjidhet.

Për Anita Shushkun, kryetare bordi në Area, zgjidhja është promovimi i investimeve të reja në fushën e energjisë.

Sipas saj, në ministrinë përkatëse janë dorëzuar mbi 50 projekte për investimin në energji, të cilat nuk janë marrë ende parasysh nga Ministria e Infrastrukturës dhe Energjisë.

Anita Shushku tha se një tjetër problem janë taksat lokale për kompanitë që po operojnë aktualisht në fushën e energjisë. Sipas znj. Shushku, investitorët duhet të përkrahen dhe jo te demoralizohen nga “taksat abuzive”.

“Investitorët që po prodhojnë kanë barra si taksat lokale. Duhet që investitorët të mbrohen jo vetëm kur fillon investimi, por gjatë të gjithë operimit. Nëse rrit taksat lokale të panevojshme dhe abuzive, saboton investimet e mëtejshme dhe demoralizon prodhuesit”, u shpreh znj. Shushku.

LEXONI GJITHASHTU:

• Eksperti  i ekonomisë: Kriza e energjisë është keqmenaxhim i qeverisë