Menaxhimi i Pallatit të Brigadave, Zhupa: Do jepet me koncesion si Butrinti

Deputetja e PD-së, Ina Zhupa ka deklaruar se plani i menaxhimit të Pallatit të Brigadave me partner strategjikë, është i njëjtë me atë të Parkut Kombëtar të Butrintit.

Në një intervistë për Euroneës Albania, Zhupa theksoi se “Pallati i Brigadave” do t’i jepet me koncesion një kompanie private, por deri më tani nuk ka informacione se kujt.

“Pronësia nuk ndryshon, por administrimi e menaxhimi. Është koncesion i pastër.

Që në fillim të planit të menaxhimit, ata kërkojnë caktimin e zonës që ka Pallati i Brigadave. Është i njëjta skemë që u përdor me Butrintit.

Së dyti, është në plan ndërtimi i një hoteli që do të presë e do përcjell personalitete. Kush do e ndërtojë hotelin? Si do të ndërtohet? A do prekë asamblenë e brigadave? Ata parashikojnë që të ndërtohen zyra. Po ta lexosh planin e menaxhimit është shumë e qartë që është për t’u ndërtuar brenda dhe për të ia dhënë privatit me koncesion ashtu si Butrinti”- tha Zhupa.

Ministria e Kulturës i ka hapur rrugën menaxhimit të integruar Pallatit të Brigadave, me partner strategjik, me arsyetimin se ky ansambël historik duhet të jetë i aksesueshëm nga të gjithë dhe të kthehet në pikë turistike.

LEXONI GJITHASHTU:

• Investitor strategjik për Pallatin e Brigadave, kthehet në pikë turistike
• ‘Delta’ merr 242 mijë m2 tokë shtetërore në Dhërmi si investitor strategjik