Mentor Kikia: Qeveria “Rama 3” lëvizje për të sheshuar pakënaqësitë në PS

Mentor Kikia, drejtues i emisionit “Përse” në Euronews Albania thotë se për “të ulur tonet e të pakënaqurve”, kryeministri Rama ka krijuar një qeveri me ministra “pa kompetenca dhe pa detyra”.

“Lëvizjet politike ishin të gjitha për të sheshuar dhe për të mbyllur çdo vrimë të mundshme në funksionimin e partisë”, tha Kikia gjatë diskutimeve në emisionin “Now” të gazetares Erla Mëhilli.

Sipas Mentor Kikës emrat në qeveri më shumë janë një përzgjedhje për të ruajtur balancat dhe për këtë arsye “nuk shikojmë një ministër që është i lidhur me një projekt në qeveri”.

Ai shtoi se cilësia e qeverisjes nuk do të varet nga emrat e ministrave të rinj të qeverisë “Rama 3”, por gjithçka do të varet nga programi.