Mentor Kikia: Trauma që i ka shkaktuar Rama shkollave të Gulenit në Shqipëri

Analisti Mentor Kikia tha në “Now” me Erla Mëhillin se e konsideron humbje kohe përpjekjen për të gjetur arsye tek arsyet që jep qeveria për mbylljen e kopshtit dhe kolegjit turk.

“Në një rast kur ka më shumë se 1, 100, 1 mijë dëshmitarë që tregojnë të kundërtën mendoj që argumentet e qeverisë bien. Plus, nëse ndjekim një dinamikë të ngjarjes ky është thjesht hapi i radhës, as i pari, as i fundit,” – tha Kikia.

Sipas tij në Shqipëri institucionet e hapura dhe të mbështetura nga fondacioni Gulen kanë pësuar një traumë sistematike. Kikia deklaroi se gjithë personeli turk është larguar në mënyrë ilegale gradualisht për t’i shpëtuar deportimit nga Shqipëria sepse kërkoheshin nga autoritetet turke.

“Herë pas here, Shqipëria përkundër vullnetit të vet, këtë e theksoj, i është bindur vullnetit, tashmë jo thjesht të Turqisë, por personalisht të Erdoganit,” – tha analisti.

LEXONI GJITHASHTU:

• ‘Çelësat e xhamisë i kanë turqit’, Kikia tregon agjendën e Erdoganit në Shqipëri