“Merkeli ka rënë dashuri me Ramën”, Bushati ironizon Klosin

Më 6 dhjetor në Tiranë mbahet samiti i BE-së me Ballkanin Perëndimor.

Ish-deputeti i Partisë Socialiste, Blendi Klosi thotë se kjo është një ngjarje shumë e rëndësishme dhe protesta e paralajmëruar nga Partia Demokratike në po të njëjtën datë, sipas tij, i zë rrugën liderëve të Bashkimit Europian.

Ndërkohë, për analistin Andi Bushati kjo jo vetëm nuk është një ngjarje e rëndësishme, por ka ironizuar Klosin duke thënë se “po spërkasin monumentin e diktatorit”.

Bushati thotë se janë krijuar ide se Merkel “ka rënë në dashuri” me Ramën dhe e përzgjedh nëpër fjalime. Për analistin kjo lloj propagande është e kotë.

Bushati u shpreh se nëse protestuesit përmbysin makinën e kancelarit gjerman do jetë kundra, por për aq kohë sa bëhet fjalë për një protestë paqësore data 6 dhjetor nuk ka pse mos të jetë e përshtatshme.

LEXONI GJITHASHTU:

• S’ka lidhje me ndërkombëtarët, Spahiu: Ja pse protesta e PD është lënë në 6 dhjetor