Merr përmasa të mëdha zjarri në Maliq, sipërfaqja e djegur shkon në 70 hektarë

Në ditën e 5-të, zjarri në majën e malit të Bodes në njësinë administrative Lozhan të Bashkisë Maliq ka marrë përmasa të mëdha dhe nuk po kontrollohet dot nga zjarrfikësit.

Në terren ndodhen mjetet zjarrfikëse të Maliqit, Korçës, Pustecit e Pogradecit, punojësit e këtyre shërbimeve, punojësit e shërbimit pyjor si dhe banorë të zonës të cilët vijojnë punën për shuarjen e flakëve.

Situata vijon ende të jetë e vështirë për shkak të terrenit të thyer malor e për shkak edhe të largësisë e furnizimit të mjeteve me ujë.

Nga dita e djeshme janë bashkuar dhe forcat e armatosura për të ardhur në ndihmë shërbimeve zjarrfikëse.

Deri më tani raportohet se sipërfaqja e djegur të jetë afro 70 hektarë.

LEXONI GJITHASHTU:

• Zjarri në Shëngjin, gazetarja: Një depozitë 5 mijë litërshe gazi rrezikon banorët
• Zjarri| Ministrat Balla e Manja në Shëngjin: Jemi në kontakt me KFOR, çfarë dyshojmë