Yuri Kim: Kush pengon votën të ndiqet penalisht, jo trajtime të veçanta

Ambasadorja amerikane në Shqipëri, Yuri Kim, ka reaguar për ngjarjen e Elbasanit, duke thënë se ata që pengojnë qytetarët të votojnë të lirë në zgjedhjet e 25 prillit duhet të ndiqen penalisht.

Nëpërmjet një postimi në Twitter, ambasadorja thekson se nuk duhet të ketë asnjë trajtim të veçantë për ata që shkelin ligjin dhe  pengojnë votën e lirë.

“Unë u takova me Prokurorin e Përgjithshëm Olsion Çela tani, do të takohem së shpejti me shefin e SPAK Kraja, dhe dje u takova me Drejtorin e Policisë Veliu. Mesazhi i Shteteve të Bashkuara të Amerikës është që ata që shkelin ligjin dhe pengojnë të drejtën e qytetarëve për të votuar lirshëm dhe në paqe duhet të ndiqen plotësisht. Asnjë trajtim i veçantë. Pa përjashtime. Askush nuk është mbi ligjin”, shkruan ambasadorja.

I met PG Çela just now, will meet SPAK Chief Kraja soon, met Police Gen Director Veliu yesterday. 🇺🇸 message: Those violating the law & obstructing citizens’ right to vote freely & in peace must be prosecuted fully. No special treatment. No exceptions. No one is above the law.

— Ambassador Yuri Kim (@USAmbAlbania) April 22, 2021

Ky mesazh i Yuri Kim vjen 3 ditë para zgjedhjeve dhe 1 ditë pas ngjarjes së Elbasanit ku mbeti i vrarë Pjerin Xhuvani dhe u plagosën 4 persona të tjerë.

Sakaq, meditën e sotme presidenti Ilir Meta iu bëri thirrje ambasadorëve që të jenë parimorë dhe të reagojnë për ngjarjet e fundit që kanë ndodhur në Shqipëri. Meta hodhi edhe akuza ndaj PS për blerje votash.

Lexoni gjithashtu:

Vrasja e Pjerin Xhuvanit në Elbasan, 25 të shoqëruar, në kërkim Kelmend Xhaferri

Meta akuza me video për blerje votash: Ndërkombëtarët të reagojnë në kohë