Mesha e Krishtlindjes në Elbasan, qytetarët: Jezusi është bekimi i popullit, ka sakrifikuar jetën për ne

Ka nisur mesha e shenjtë e Krishtlindjes edhe në qytetin e Elbasanit. Dhjetëra besimtarë janë mbledhur në kishë këtë të enjte për të kremtuar lindjen e Krishtit, duke përcjellë urime paqeje, shprese dhe begatie për njëri-tjetrin dhe për mbarë komunitetin.

Sipas disa qytetarëve ,Krishtlindja simbolizon ardhjen e mirësisë, shpëtimin e njerëzve nga mëkatet, ndërsa për disa të tjerë kjo festë simbolizon gjallëri, paqe dhe dashuri .

“Unë jam besimtar, kam shkuar në Izrael, në Jerusalem dhe Stamboll. Ndjej kënaqësi shpirtërore kur shkojë në këto vende. Zoti është një për të gjithë. I dëshirojë gjithë popullit shqiptar të ketë paqe. Sa më tepër urtësi, aq më tepër dashuri”, është shprehur një besimtar i fesë së Krishterë.

Ndërsa një grua tjetër thotë se:

“Kjo festë është bekimi i popullit sepse ka sakrifikuar jetën e vetë për popullin. Ne mundohemi t’ia shpërblejmë, por ka dhe njërëz që nuk kanë besim”.