Mesila Doda refuzon grupin parlamentar të PD, del e pavarur

Deputetja që doli nga listat e PD në Tiranë, Mesila Doda nuk do jetë pjesë e asnjë grupi opozitar të opozitës në Parlament.

Burime bëjnë me dije se Doda ka vendosur të jetë e pavarur, duke mos pranuar atashimin në asnjë prej 3 grupeve të opozitës.

Në një reagim për Euronews Albania, deputetja Mesila Doda, e pyetur se pse është vetëdeklaruar si deputete e pavarur në Kuvendin e Shqipërisë dhe nuk i është bashkuar asnjë prej tre grupeve parlamentare të opozitës ka thënë se vazhdon të jetë pjesë e opozitës dhe përfaqësuese e PDIU-së.

Doda ka shtuar se nuk është konsultuar në lidhje me konfigurimin e grupeve të reja parlamentare të krijuara në opozitë.

“Unë jam deputete e opozitës dhe e PDIU-së. Nuk jam konsultuar për konfigurimet e grupeve që janë krijuar. Do të vazhdoj të mbaj kauzat e opozitës dhe të PDIU-së,” – u shpreh ajo.

Ndërkohë, përveç grupit parlamentar të PD dhe atij të PL që u plotësua me 3 demokratë, ka mbledhur firmat e nevojshme për t’u krijuar edhe grupi parlamentar i drejtuar nga Fatmir Mediu.

Këtij grupi i janë bashkuar Vangjel Dule nga PBDNJ, Artan Luku PAA, Greta Bardeli nga PD, Denisa Vata nga PD, Zija Ismaili nga PD dhe Fidel Kreka nga PD.

Me largimet e fundit dhe refuzimin e Mesila Dodës, grupi parlamentar i PD që drejtohet nga Gazment Bardhi rrudhet në 35 anëtarë.

LEXONI GJITHASHTU:

• PL formon grup parlamentar, huazon 3 deputetë nga PD
• PS dhe PD debat në Kuvend, Balla: Nuk e kemi shkrirë integrimin, Bardhi: Po gënjeni