Messi dhe Mbappe në qendër të vëmendjes, fitojnë Argjentina dhe Franca

Argjentina mori një fitore tepër të rëndësishme duke mposhtur 2-0 Austrinë, falë një dopiete të Messit, i cili hyri në historinë e Kupës së Botës. 38-vjeçari u bë golashënuesi më i mirë në historinë e Botërorit me 18 gola, duke lënë pas Klosen me dy rrjeta më shumë.

Në ndeshjen tjetër, Franca mposhti 3-0 Irakun, me një dopietë të Mbappe, i cili u ngjit në kuotën e katër golave në këtë Botëror.

Për shkak të një stuhie të fuqishme që përfshiu qytetin e Filadelfias, ndeshja u ndërpre pas pjesës së parë dhe rifilloi pas dy orësh.

Në ndeshjet e tjera të Grupit I, Norvegjia mposhti 3-2 Senegalin, ndërsa Algjeria fitoi 2-1 ndaj Jordanisë.

Ndërkohë, sonte në mbrëmje, në orën 19:00 luhet sfida Portugali–Uzbekistan, ndërsa në orën 22:00 përballen Anglia dhe Gana.