Meta: Berisha e ka fituar gjyqin e 3 marsit, është kryetar i PD-së

Kryetari i Partisë së Lirisë, Ilir Meta thotë se gjyqi për 3 marsin që do zhvillohet për vulën e Partisë Demokratike, është i fituar nga Sali Berisha.

Në emisionin “Now” në Euronews Albania, Meta nënvizoi se ka një vendim gjykate që njeh Statuin e dalë nga Kuvendi i 11 Dhjetorit 2021 dhe që kryetar është Berisha.

Sipas Metës, regjistrimi në gjykatë pengohet nga kryeministri Edi Rama.

“Partia Demokratike e ka fituar gjyqin. Është një vendim gjykate, është publik, zyrtar dhe e bën të qartë që është kjo parti, e 11 Dhjetorit dhe që ka zgjedhur kryetar zotin Berisha.

Por siç e dini ju, është një urdhër i Edi Ramës që kancelari të mos e regjistronte këtë vendim në gjykatë. Është tregues i Ramaformës, se çfarë u katandis reforma në drejtësi, nën kontrollin e plotë të Edi Ramës”, theksoi ai.

LEXONI GJITHASHTU

• Pse të thërret prokuroria kur s’ke lidhje? Përgjigjet Meta
• A po shkon Ahmetaj në burg? Meta: Rama i gatshëm ta dorëzojë
• A e keni dërguar Arben Ahmetajn në SPAK? Ilir Meta flet në “Now”