Meta dekreton ndryshimet në Kodin Penal, 5 ligjet që dekretohen nga presidenti

Presidenti Ilir Meta ka dekretuar 5 ligje, pjesë të paketës së marrëveshjes së 5 qershorit në Këshillin Politik për Reformën Zgjedhore.

Kreu i shtetit ka dekretuar ndryshimet në Kodin Penal, ligjin për statusin e gjyqtarëve dhe prokurove, ligjin për organizimin e prokurorisë dhe ligjin për sinjalizimin dhe mbrojtjen e sinjalizuesve.

Ndërkohë, Meta kërkon nga organet kompetente të marrin masa për hartimin e akteve nënligjore.

“Çdo fenomen negativ, që vendos në rrezik apo cenon sadopak lirinë e votës, apo synon deformimin e vullnetit të sovranit, duhet të ndëshkohet rreptësisht, në funksion të ruajtjes së legjitimitetit të procesit zgjedhor, deri në certifikimin përfundimtar të rezultateve”, thotë presidenti.