Meta kërkon lirinë, gjyqtarja Irena Gjoka vendos sot për “fatin” e ish-presidentit

Gjykata e Posaçme Kundër Korrupsionit dhe Krimit të Organizuar do të shqyrtojë këtë të mërkurë, në orën 13:00, një tjetër kërkesë të ish-Presidentit dhe kreut të Partisë së Lirisë, Ilir Meta, për lirim nga qelia.

Kërkesa, e depozituar ditën e djeshme nga avokati i tij Kujtim Cakrani, ka për qëllim shuarjen e masës së sigurisë “arrest në burg” dhe do të shqyrtohet nga gjyqtarja Irena Gjoka.

Kujtojmë se vetëm një ditë më parë, më 21 tetor 2025, u mbush një vit nga vendimi i GJKKO-së që miratoi kërkesën e SPAK për arrestimin e Ilir Metës.

Sipas mbrojtjes, kjo kërkesë vjen si pasojë e përmbushjes së afateve dhe mbështetet në argumente ligjore për rrëzimin e vendimeve nr. 125 dhe nr. 130 të tetorit 2024, si dhe vendimit nr. 59 të nëntorit 2024 të Gjykatës së Apelit të Posaçëm.

Ndërkohë, më 29 gusht 2025, SPAK ka njoftuar përfundimin e hetimeve ndaj Ilir Metës dhe ish-bashkëshortes së tij, Monika Kryemadhi.

LEXONI GJITHASHTU:

• Meta mbetet në burg, GJKKO rrëzon sërish kërkesën për shuarjen e masës së sigurisë
• Sot një vit nga arrestimi, Ilir Meta kërkon sërish lirinë në GJKKO
• Berisha tha se gjyqtarja Gjoka ka qenën e hetuar në Greqi, përgjigjet Artur Metani