Meta kërkon ndryshimin e masës së sigurisë në Apelin e GJKKO-s

Ish-presidenti Ilir Meta ka ankimuar përsëri masën e sigurisë në Gjykatën e Apelit të Posaçëm Kundër Korrupsionit dhe Krimit të Organizuar.

Ankimi është dorëzuar këtë të premte nga avokati i tij mbrojtës në sekretarinë e shkallës së parë ndërsa në ditët në vijim pritet të caktohet data për shqyrtimin e kësaj kërkese nga trupa gjykuese e Apelit.

SPAK mbylli hetimet më 28 korrik për akuzat në lidhje me CEZ-DIA, lobimin e LSI në SHBA dhe hetimin pasuror.

Meta dhe Kryemadhi akuzohen për korrupsion pasiv, pastrim parash dhe mosdeklarim pasurie.

Pirro Xhixho akuzohet për korrupsion pasiv të funksionarëve të lartë të kryer në bashkëpunim. Ndërsa Fatime Kryemadhi akuzohet për pastrim parash, së bashku me Ema Çokun.

Meta ndodhet në burg që prej tetorit të vitit të kaluar, ndërsa Kryemadhi me detyrim paraqitje.

Më 8 shtator, Apeli i GJKKO rrëzoi kërkesën e Metës për lirim nga burgu, duke lënë në fuqi vendimin e 13 gushtit nga Shkalla e Parë.

LEXONI GJITHASHTU:

• Shtyhet seanca paraprake për dosjen “Meta”, Kryemadhi tregon çfarë ndodhi në gjyq
• Sëmuret avokati, shtyhet vendimi për kalimin në gjykim të dosjes “Meta”