Meta kthen ligjin për sektorin minerar: Shkel disa parime kushtetuese

Presidenti Ilir Meta nuk ka dekretuar ligjin “për disa ndryshime dhe shtesa për sektorin minerar”.

Presidenti Meta thekson se ndryshimet ligjore të propozuara me ligjin, shkelin dhe cenojnë disa parime kushtetuese që sipas tij janë: parimin e sigurisë juridike; iniciativës dhe lirisë së veprimtarisë ekonomike; parimin e decentralizimit të pushtetit vendor, proporcionalitetit, barazinë para ligjit, duke vendosur në rrezik të hapur interesin publik dhe keqpërdorimin e pasurisë kombëtare.

Argumentet e kthimit të këtij ligji nga ana e presidentit:

• Ndryshimet janë miratuar përmes një procedure në mungesë të transparencës e konsultimit gjithëpërfshirës dhe këto ndryshime shkelin një sërë parimesh kushtetuese të shtetit të së drejtës.
• Përmes paqartësisë së ligjit krijohen mekanizma nëpërmjet të cilave shtetit i jepet mundësia që të ndërhyjë në mënyrë disproprocionale dhe përmes një procesi të parregullt ligjor, për të ndërprerë gëzimin e të drejtave legjitime pronësore, dhe kjo, jo për një interes publik ligjërisht të justifikuar, por për favorizimin e subjekteve të tjera private.
• Mund të krijohen efekte negative dhe kosto të panevojshme për buxhetin e shtetit.
• Për më tepër, parashikimet e bëra në disa dispozita të ligjit nr. 65/2021, shtojnë rrezikun e që të drejtat e pronësisë private t’i nënshtrohen një regjimi shpronësimi.
• Nga përmbajtja e dispozitave të ligjit duket qartë se, qëllimi i vetëm për të cilin është kujdesur propozuesi i nismës (Ministria e Infrastrukturës dhe Energjisë dhe Këshilli i Ministrave) dhe miratuesi i këtyre ndryshimeve (Kuvendi i Shqipërisë) ka qënë ai i krijimit të favorizimeve ligjore për subjekte private, që operojnë në sektorin minerar.
• Ndryshimet dhe cenojnë disa parime kushtetuese si: parimin e sigurisë juridike; iniciativës dhe lirisë së veprimtarisë ekonomike; parimin e decentralizimit të pushtetit vendor, proporcionalitetit,  barazinë para ligjit, duke vendosur në rrezik të hapur interesin publik dhe keqpërdorimin e pasurisë kombëtare.

LEXONI GJITHASHTU:

Kuvendi voton me 104 vota pro shkarkimin e presidentit Ilir Meta

Seanca për shkarkimin, Rama: Ilir Meta tradhtoi Kushtetutën dhe na turpëroi me SHBA