Meta kthen ligjin për transportin: Nuk zbatohet sistemi bonus-malus, nuk mbrohet jeta e qytetarëve

Presidenti Ilir Meta ka kthyer një tjetër ligj në Kuvend për rishqyrtim. Bëhet fjalë për ligjin e miratuar për sigurimin e detyrueshëm në sektorin e transportit.

Argumenti kryesor që jep presidenti lidhet me faktin se ai nuk garanton mbrojtjen e jetës së qytetarëve.

Po, ashtu me regjistrin e hartuar me mjetet në qarkullim, sipas presidentit, sistemi bonus-malus nuk është i zbatueshëm dhe ngelet në dorë të shoqërive të sigurimit.

“Nga shqyrtimi me kujdes i përmbajtjes së këtij neni, Presidenti i Republikës, vlerëson se Kuvendi i Shqipërisë, pavarësisht asaj që deklarohet në praktikën parlamentare, në fakt, për nga formulimi konkret i dispozitës, nuk ka mundur t`i japë zgjidhje kësaj problematike, pasi përmbajtja e dispozitës së nenit 8, nuk garanton zbatimin në praktikë edhe për një kohë shumë të gjatë të sistemit bonus-malus”, argumentin presidenti.

Ai theksoi se “nëse kjo dispozitë do të qëndrojë sipas përmbajtjes së miratuar nga Kuvendi, atëherë ky sistem i ri (bonus-malus), nuk bëhet i zbatueshëm, por do të ngelet në dëshirën e shoqërive të sigurimit, e për pasojë, sërish ky nen mbetet në ligj vetëm si një dispozitë deklarative”.

Lexoni gjithashtu:

Meta kthen ligjin për tregjet e kapitalit, kritikon deputetët se nuk bëjnë debat

Bregdeti sërish në Kuvend, Meta kthen ligjin: Përfiton një rreth i ngushtë njerëzish