Meta mohon të detyrojë përdoruesit të ndjekin llogaritë e Trump
Kompania Meta ka mohuar pretendimet që qarkullojnë në mediat sociale se përdoruesit janë detyruar automatikisht të ndjekin llogaritë zyrtare që u përkasin figurave të larta në administratën e re Trump.
Kjo deklaratë erdhi pas ankesave nga disa përdorues të Instagram dhe Facebook, të cilët pretendonin se u regjistruan “automatikisht” si ndjekës të presidentit të ri Donald Trump, zëvendës presidentit JD Vance, dhe Zonjës së Parë Melania Trump.
Zëdhënësi i Meta, Andy Stone, sqaroi se këto llogari menaxhohen nga Shtëpia e Bardhë, e cila i ka përditësuar ato duke reflektuar ndryshimet e emrave.
“Kjo është e njëjta procedurë që kemi ndjekur gjatë tranzicionit të fundit presidencial,” tha Stone në një deklaratë.
Llogaritë, të cilat më parë ishin në emrin e Biden, bashkëshortes së tij dhe zëvendëpresidentit, tashmë janë ndryshuar nga stafi i Shtëpisë së Bardhë duke i kaluar presidentit të ri Donald Trump, zëvendës presidentit JD Vance, dhe Zonjës së Parë Melania Trump.
Donald Trump u betua si president i SHBA-së për herë të dytë të hënën.
Në inagurimin e tij morën pjesë disa nga miliarderët më me ndikim të teknologjisë, përfshirë CEO-n e Meta, Mark Zuckerberg, dhe CEO-në e X, Elon Musk, i cili gjithashtu ka një rol këshillues në administratën e re. Kujtojmë se më herët Trump kritikoi ashpër Meta-n, e cila e bllokoi atë në vitin 2021 për “lavdërimin e dhunës” gjatë trazirave të 6 janarit në Kapitol.
Kritikat ndaj Meta nga ana e Trumpit përfshinin akuza se kompania kishte bashkëpunuar me administratën Biden për të censuruar raportet lidhur me djalin e Biden, por edhe për të censuruar përmbajtjen në lidhje me pandeminë Covid-19. Megjithatë, pas fitores së Trumpit në zgjedhjet e nëntorit, Zuckerberg duket se i ka rregulluar marrëdhëniet me të, duke pasur dhe një darkë të përbashkët.
LEXONI GJITHASHTU:
Kryefaqja
Eksperti: Po lind “NATO 3.0”, Turqia po fiton peshë strategjike
Izraeli propozim për një tubacion që anashkalon Ngushticën e Hormuzit
Danimarka i përgjigjet Trumpit: Grenlanda nuk është në shitje
- 23:15 Zjarr masiv në Porto Palermo
- 22:33 15-vjeçari nga Cërriku fiton medaljen e artë në Olimpiadën Ndërkombëtare STEM
- 22:32 Eksperti: Po lind “NATO 3.0”, Turqia po fiton peshë strategjike
- 22:27 “NATO në krizë kredibiliteti përballë Rusisë dhe Trump”, Ralf Gjoni analizon Samitin e Ankarasë
- 22:12 “Trump nuk e do më NATO-n”, ish-ambasadori Roland Bimo: Kërkon besnikëri, jo aleancë
- 22:01 Publikohet fotoja familjare nga darka shtetërore e Presidentit Erdogan me liderët e NATO-s