Meta në krah të Berishës në protestën për vdekjen e 7-vjeçares

Protestës së qytetarëve për vdekjen e 7-vjeçares në plazhin e Potamit në Himarë, iu është bashkuar kryetari i Partisë Demokratike, Sali Berisha dhe kreu i Partisë së Lirisë, Ilir Meta.

Meta është parë në krah të Berishës para godinës së Kryeministrisë teksa qëndronin së bashku me protestues.

Të dy ata kanë kërkuar dorëheqjen e ministrit të Brendshëm, Bledi Çuçi në lidhje me ngjarjen e rëndë.

Vetë Çuçi është larguar nga zyra e tij para fillimit të protestës për vdekjen e 7-vjeçares në Himarë, e cila u përplas nga skafi i drejtuar nga ish-efektivi Arjan Tase.

I kontaktuar nga “Euronews Albania”, Çuçi ka pohuar se nuk ka dashur që prania e tij brenda Ministrisë së Brendshme të merrej si provokim për protestuesit.

Berisha dhe Meta kanë paralajmëruar protesta të mëdha në vend kundër qeverisjes së Edi Ramës, të cilën e konsiderojnë si të korruptuar.

LEXONI GJITHASHTU

• Protesta zhvendoset te Kryeministria, qytetarët ndezin qiri për 7-vjeçaren
• Pse nuk u shkarkua Basha për 21 janarin? Berisha për Euronews Albania nga protesta
• Perplasje në protestën para Ministrisë se Brendshme, kërkohet dorëheqja e Çuçit