Meta për krizën brenda PD: Debatet të jenë demokratike, bashkë flasim pas 24 korrikut

Presidenti Ilir Meta, i pyetur nga gazetarët në Pogradec ditën e sotme, tha për debatet brenda Partisë Demokratike mes kreut Lulzim Basha dhe ish-kryeministrit Berisha se duhet të zhvillohen në mënyrë demokratike dhe në përputhje me parimet e Kushtetutës së vendit.

“Shpresoj të përmbahen parimeve me bazike të demokracisë dhe të shtetit të së drejtës”, u shpreh presidenti Meta, ndërsa theksoi se nuk dëshiron të komentojë debatet e brendshme të asnjë force politike.

Këtë koment Meta e bëri në Pogradec, ku ka shkuar me rastin e Breakfast Prayer, e njohur në Amerikë si tradita e mëngjesit të lutjes, ku klerikë të besimeve të ndryshme, politikanë e të tjerë personalitete luten për kombin dhe aktualitetin në vend.

LEXONI GJITHASHTU:

• Sali Berisha në Shkodër: Qeveria Rama e ka diskriminuar këtë qytet