Meta sulmon SPAK nga burgu: Po i shërben Ramës për të rrëmbyer mandatin e katërt

Simpatizantët e Partisë së Lirisë zhvilluan sot një protestë të paralajmëruara para SPAK kundër vendimit për burgosjen e presidentit të kësaj partie Ilir Meta.

Me një pankartë të madhe ku shkruhej ‘Jo drejtësi me regji’, figurat kryesore të PL si Tedi Blushi, Erisa Xhixho, Petrit Vasili udhëhoqën simpatizantët në marshimin para SPAK.

Kreu i kësaj partie Ilir Meta i cili prej më shumë se një muaji ndodhet në burg ju drejtua mbështetësve të vet përmes një letre që u lexua nga një prej përfaqësuesve të PL.

“SPAK me veprimtarinë antikushtetuese dhe arbitrare po i shërben me verbëri regjimit për të rrëmbyer një mandat të katërt…SPAK është një instrument kamikaz i Ramës për t’u përdorur kundër opozitës. Rama me të drejtë ka thënë se SPAK ishte krijesë e tij dhe s’ka gënjyer”, thuhej mes të tjerash në letrën e Metës.

LEXONI GJITHASHTU:

• Meta reagon për shpërthimin në Zubin-Potok: Akt kriminal i orkestruar nga Serbia!
• Politika uron Ditën e Pavarësisë: Rama shpërndan videon, Meta mesazh nga burgu