Meta: Vendimi i qeverisë për energjinë tregoi mos ekzistencën e ERE-s

Kreu i Partisë së Lirisë, Ilir Meta, u shpreh se vendimi i qeverisë për rritjen e çmimit të energjisë dhe më pas tërheqja nga ky vendim, tregon mos ekzistencën e ERE-s.

“Ky vendim i marrë, i shpallur, i zhbërë në mënyrat më të turpshme, tregon edhe njëherë që nuk ekziston shteti i së drejtës. Tregon që nuk ka institucione të pavarura që mbrojnë interesin e qytetarit. Ajo që ka ndodhur është shumë e rëndë, me vendimin e sotëm është shpallur mos ekzistenca e ERE-s. Vendimi ishte i pabazuar në asnjë analizë financiare; ishte i bazuar vetëm te një vendim i Asamblesë së Përgjithshme të KESH. Kemi një tejkalim të kompetencave. ERE mori një vendim siç e çoi qeveria”, u shpreh Meta.

Kryeministri Edi Rama ka bërë me dije se fasha 800kw nuk do të hyjë në fuqi në tetor për konsumatorët familjarë.

Lajmin Rama e ka njoftuar në një postim që ka bërë në rrjetet sociale, duke thënë se kjo fashë synon mbrojtjen e 96% të familjeve.

LEXONI GJITHASHTU:

• Rama: Në tetor s’do hyjë në fuqi fasha 800 KW për konsumatorët familjarë
• Rama tregon arsyet pse qeveria u tërhoq nga rritja e çmimit të energjisë
• Rama: Në tetor s’do hyjë në fuqi fasha 800 KW për konsumatorët familjarë