Milaim Zeka: Ballkani Perëndimor kanë ende qasje nacionaliste

Gazetari dhe ish-deputeti, Milaim Zeka thotë se liderët e Ballkanit Perëndimor po merren me çështje të brendshme dhe nuk fokusohen në rregullimin e klimës në rajon edhe pse BE po i shtyn drejt rregullimit të marrëdhënieve mes tyre.

“Liderët e Ballkanit nuk janë ata që mendojnë për lëvizjen e lirë të qytetarëve apo të mallrave në tregun ballkanik, por mendojnë për retorikë me të cilën mashtrojnë qytetarët e kombeve të tyre për të fituar vota”, u shpreh ai për Euronews Albania.

Z. Zeka thotë se vendet e Ballkanit Perëndimor kanë ende qasje nacionaliste, të cilën e quajnë “patriotizëm” që sipas tij, përbën një pengesë të madhe në rrugëtimin e tyre drejt BE.

Ndërsa Bardhyl Hasanpapaj, këshilltar ligjor, thotë se Ballkani Perëndimor është një problem për BE.

“Ne ngelemi në vend numëro, është BE që po i tërheq me vështirësi drejt vetes vendet e Ballkanit Perëndimor”, u shpreh z. Hasanpapaj.

Për z. Hasanpapaj, liderët e vendeve të rajonit mundohen ta paraqesin BE-në me shumë ngecje të proceseve integruese, mirëpo janë vetë atë që nuk e shfrytëzojnë situatën sa duhet.

LEXONI GJITHASHTU:

• Shumë takime dhe pak progres, Samiti i Berlinit peng i konflikteve mes vendeve të Ballkanit
• Sot takimi i fundit me liderët e Ballkanit Perëndimor, mesazhi i Merkel: Ende nevojitet pajtim