Ministri izraelit i Sigurisë Kombëtare Itamar Ben-Gvir kërcënoi sot se do të rrëzojë qeverinë e koalicionit nëse kryeministri Benjamin Netanyahu hyn në një marrëveshje për Gazën që do t’i jepte fund luftës pa eliminuar Hamasin.

Një marrëveshje e tillë do të ishte një “lëvizje e shpejtë dhe do të përfaqësonte një fitore për terrorizmin dhe një kërcënim për sigurinë kombëtare të Izraelit”, tha lideri i partisë Fuqia Hebraike në X.

Ministri i Financave i ekstremit të djathtë, Bezalel Smotrich, ka bërë thirrje që ofensiva e Gazës të vazhdojë derisa Hamasi të shkatërrohet dhe të shpëtohen të gjithë pengjet e mbajtura nga militantët palestinezë, duke thënë se në të kundërtën ai nuk do të qëndrojë në qeveri, raporton Reuters.

Ai tha në një postim në rrjetin X se ai kundërshton çdo masë të përkohshme armëpushimi si tërheqja e trupave izraelite, kthimi i palestinezëve në Gazën veriore ose lirimi masiv i të burgosurve palestinezë.

LEXONI GJITHASHTU:

• Izraeli e cilëson armëpushimin në Gazë të pamundur
• Udhëheqësi i opozitës izraelite i kërkon Netanyahut të bëjë marrëveshje armëpushimi