Ministre e Brendshme pas 25 prillit? Monika Kryemadhi flet për ambicien e saj personale

Kryetarja e LSI, Monika Kryemadhi thotë se “misioni” i saj në politikë është që ta ndryshojë atë dhe t’u japë më shumë shanse grave dhe vajzave.

Zgjedhjet e 25 prillit janë fushata e 17 elektorale për të duke qenë një prej politikaneve më me eksperiencë.

E pyetur nga Ilva Tare se a është Ministria e Brendshme, në ambiciet e saj personale pas zgjedhjeve parlamentare, kryetarja e LSI nuk e mohoi një gjë të tillë.

“Nuk mendoj se flasim për ambicie personale të Monikës, ambiciet personale të Monikës mund të jenë komplet të ndryshme nga ato që flasim ne sot por nuk ka asnjë gjë të pamundur, të gjitha janë të mundura”, deklaroi znj. Kryemadhi.

Kurse pyetjes tjetër nëse ka ambicie edhe për të qenë kryeministre e vendit, ajo u përgjigj se pas 25 prillit kjo detyrë do të ishte një bela duke iu referuar gjendjes së vështirë ekonomike ku po e lë vendin qeveria socialiste.