Ministri Ben-Gvir: Izraeli mund t’i thotë jo Trumpit, nuk duhet ta pranojë armëpushimin në Liban

Ministri i Sigurisë Kombëtare i Izraelit, Itamar Ben-Gvir ka thënë se Izraeli është i aftë të sfidojë presidentin e SHBA-së, Donald Trump nëse është e nevojshme dhe se një armëpushim në Liban është i papranueshëm.

Duke iu përgjigjur një pyetjeje nga media izraelite Arutz Sheva, Ben-Gvir tha se Izraeli sigurisht mund ta refuzojë një apel nga Trump. Për Libanin, ai tha se nuk duhet të ketë “asnjë armëpushim në asnjë rrethanë.

Ben-Gvir tha gjithashtu se koalicioni qeverisës i krahut të djathtë, pjesë e të cilit është ai, mund të qëndrojë në pushtet pas zgjedhjeve të ardhshme të Izraelit këtë vit teksa theksoi se duhet të punojnë për këtë.