Ministri Igli Hasani: Shqipëria dënon ashpër sulmin e Iranit ndaj Izraelit

Ministri për Evropën dhe Punët e Jashtme, Igli Hasani ka reaguar me anë të një postimi në platformën “X”, lidhur me sulmin e Iranit ndaj Izraelit.

Ai është shprehur se Shqipëria e dënon ashpër këtë sulm të Iranit, ndërsa ka shtuar se ky përshkallëzim rrezikon të sjellë paqëndrueshmëri dhe shkatërrim më të madh në të gjithë Lindjen e Mesme.

“Shqipëria dënon ashpër sulmin e Iranit ndaj Izraelit. Ky përshkallëzim është një kërcënim i rëndë për sigurinë e Izraelit dhe të gjithë rajonit. Ajo rrezikon të sjellë paqëndrueshmëri dhe shkatërrim më të madh në të gjithë Lindjen e Mesme.

Shqiptarët në rajon këshillohen të ndjekin udhëzimet e autoriteteve lokale për përditësimet e sigurisë publike dhe të kontaktojnë ambasadat tona për ndihmë”,-shkruan Hasani.

Albania strongly condemns Iran’s attack on Israel.

This escalation is a grave threat to the security of Israel and the entire region. It risks bringing greater instability and devastation across the Middle East.

Albanians in the region are advised to follow the instructions…

— Igli Hasani (@IgliHasani) April 14, 2024

• Ministri i Mbrojtjes së Izraelit: Akoma nuk ka mbaruar, të qëndrojmë vigjilentë
• Pas sulmit iranian me dronë dhe raketa, Izraeli rihap aeroportin