Ministri izraelit urdhëron reduktimin e ushqimit për të burgosurit palestinezë

Ministri i Sigurisë Kombëtare i Izraelit, Itamar Ben-Gvir ka urdhëruar reduktim të mëtejshëm të sasisë së ushqimit të ofruar për të burgosurit palestinezë në burgjet izraelite, politikë kjo që aktivistët e të drejtave të njeriut e kanë krahasuar me urinë e detyruar.

Pas 7 tetorit, Ben-Gvir mbylli mensat dhe kuzhinat e burgjeve, duke i lënë të burgosurit palestinezë plotësisht të varur nga vetë burgjet për ushqim.

Me anë të një lettre ai dha  këtë mërkurë  udhëzime të mëtejshme për të zvogëluar sasinë e ushqimit që u jepet të burgosurve. Ai tha se masa kishte për qëllim frenimin e sulmeve nga luftëtarët, por ai nuk shpjegoi se si këto kishin lidhje me njëra-tjetën.

Shoqata për të Drejtat Civile në Izrael ka kundërshtuar kufizimet e ushqimit në gjykatë, duke argumentuar se ato përbëjnë një politikë të urisë.

Duke cituar dëshminë e të burgosurve, grupi i të drejtave thotë se ushqimi i ofruar është i pamjaftueshëm dhe i pashëndetshëm dhe ka çuar në “dëmtim të rëndë të shëndetit dhe dinjitetit të të burgosurve”. Ai thotë se të burgosurit vuajnë nga “uria e vazhdueshme, humbja ekstreme e peshës dhe agjërimi i detyruar” dhe mbahen në “kushte të vërteta torture”.

Që nga fillimi i luftës, numri i të burgosurve palestinezë është rritur, pasi Izraeli kreu bastisje në shkallë të gjerë në Rripin e Gazës dhe Bregun Perëndimor të pushtuar. Numri i përgjithshëm i palestinezëve të mbajtur nga Izraeli është rritur në rreth 9,000 që nga 7 tetori.

LEXON GJITHASHTU:

• Laçi: Pashë me sytë e mi fëmijën që iu drejtua arma në kokë! Ai buzëqeshi dhe…
• OKB: Kriza humanitare në Gaza po përkeqësohet shpejt, mungon uji dhe ushqimi