Laçi: Pashë me sytë e mi fëmijën që iu drejtua arma në kokë! Ai buzëqeshi dhe…

Eksperti i marrëdhënieve ndërkombëtare Marlind Laçi ishte këtë të martë i ftuar në “Now me Erla Mëhillin”, ku ka folur për atë që ai e quajti gjenocid në Gaza.

Laçi tha se ai vetë ka qenë dëshmitar i një situatë rrëqethëse në Palestinë, pasi në gushtin e vitit të kaluar ka parë një fëmijë teksa i qëndronte përballë mitralozit:

“Kam qenë në gusht të vitit 2023 në West Bank. Kam parë se si palestinezët ishin futur në një proces dehumanizimi. Ata duke qenë në tokat e tyre, në pronat e tyre, detyroheshin të merrnin leje nga zionistët për të dalë nga shtëpitë e tyre.

Unë jam ndier i shokuar nga fryma inkandeshente e urrejtjes që nxisnin kolonët, zionistë, të ardhur kryesisht nga vendet rusishtfolëse, se ata s’kanë lidhje me Izraelin e lashtë apo me ato toka. Nuk kanë asnjë lidhje me identitetin historik të Jeruzalemit.

Unë kam parë teksa i drejtohej arma një fëmije. Ishin disa fëmijë të moshës 10-vjeçar që luanin me top. Njëri goditi ushtarin zionist me top dhe ushtari i vendosi mitrolozin në kokë. Unë ngriva! U shokova! Dhe kur pash që fëmija i buzëqeshi armës, aty kam menduar ky popull nuk mundet kurrë! Sikur një palestinez i vetëm të mbeti, sërish do e marrë hakun e vetë”,-tha Marlind Laçi.

LEXONI GJITHASHTU:

• “Gjenocidi në Gaza, më i pashembullti në histori”, eksperti: U hodh bomba 2000 kg…
• Kë po mbështet Irani? Eksperti: E tregoi fuqinë, për 8 orë nuk gjeti dot presidentin