Ministri Krasniqi: Ura mbi lumin Ibër do të hapet vetëm në koordinim me KFOR

Ministri për Administrimin e Pushtetit Lokal në Kosovë, Elbert Krasniqi, është shprehur se ura e Ibrit do të hapet vetëm në koordinim me KFOR.

Sipas mediave të Kosovës, ai tha se veriu i Kosovës po karakterizohet nga një siguri që më parë nuk kishte ekzistuar, për shkak të kërcënimit të qytetarëve nga bandat e Millan Radojçiçit.

Krasniqi po ashtu iu kundërpërgjigj presidentit të Serbisë, Vuçiç, kur ky i fundit mbrëmë kërkoi mbajtjen e zgjedhjeve lokale në Veri.

“Që të jemi të qartë, zgjedhjet në katër komunat veriore mund të mbahen gjatë muajit prill të vitit 2025, por meqenëse kalendari për zgjedhjet lokale është i caktuar për muajin tetor të 2025, atëherë nuk shoh mundësi që zgjedhjet në këto komuna të mbahen në muajin prill. Këtë e mundëson udhëzimi administrativ i Qeverisë”, tha Krasniqi, sipas të cilit Kushtetuta nuk mund të shkelet.

Ai shtoi më tej se nuk do të bëjnë kompromis me zbatimin e ligjit jo vetëm në Veri, por në të gjithë Kosovën.

LEXONI GJITHASHTU:

• Ura në Ibër, Bislimi: Nuk është vendim i njëanshëm, por marrëveshje mes dy palëve
• Tension në Veri, forca të shumta të Njësisë Speciale zbarkojnë tek ura mbi Ibër