Ministri serb i Mbrojtjes: Do të rrisim numrin e forcave speciale të ushtrisë

Ministri i Mbrojtjes i Serbisë, Millosh Vuçeviç njoftoi se deri në fund të vitit 2023, numri i pjesëtarëve të njësive speciale të Forcave të Armatosura Serbe, do të rritet nga 1500 në 5000.

Vuçeviç u shpreh se një vendim i tillë erdhi me urdhër të presidentit të Serbisë, Aleksandar Vuçiç, shkruan Euronews Serbia.

“Po informoj opinionin e Serbisë dhe jo vetëm të Serbisë, se mbrëmë gjeneral Mojsiloviç, shef i Shtabit të Përgjithshëm të Forcave të Armatosura të Serbisë, morëm një detyrë, një urdhër nga Presidenti i Republikës si Komandant i Përgjithshëm, që Forcat e Armatosura të Serbisë të rrisin numrin e pjesëtarëve të njësive speciale të Forcave të Armatosura deri në fund të vitit 2023, pra të atyre që do të trajnohen posaçërisht si pjesë e Ushtrisë Serbe, nga 1500 në 5000”, theksoi ai.

Ndër të tjera, ministri deklaroi se ushtria serbe do të ketë 5.000 ushtarë të trajnuar dhe të përgatitur me armët më moderne, të gatshëm për të mbrojtur atdheun, për të kryer çdo detyrë në çdo kohë dhe në çdo pjesë të territorit.

 

View this post on Instagram

 

A post shared by Милош Вучевић (@milosvucevic_odbrana)

LEXONI GJITHASHTU

• Kurti takon komandantin e KFOR-it: Nuk duhet të ketë barrikada në asnjë rrugë
• Diplomati gjerman reagon ndaj kryeministres serbe për Veriun
• Shpërthen një sasi eksplozivi në veri të Mitrovicës