Ministri ukrainas: Synojmë ta fitojmë luftën në vitin 2023

Ministri i jashtëm i Ukrainës ka thënë se qeveria e tij synon të ketë një samit paqeje deri në fund të shkurtit.

Dmytro Kuleba tha në Ministrinë e Jashtme se Ukraina do të bëjë gjithçka që mundet për të fituar luftën në 2023, duke shtuar se diplomacia luan gjithmonë një rol të rëndësishëm.

“Çdo luftë përfundon në mënyrë diplomatike. Çdo luftë përfundon si rezultat i veprimeve të ndërmarra në fushën e betejës dhe në tryezën e bisedimeve”, tha ai.

Kuleba bëri me dije se qeveria ukrainase do të donte të kishte një samit paqeje deri në fund të shkurtit.

“Kombet e Bashkuara mund të jenë vendi më i mirë për mbajtjen e këtij samiti, sepse këtu nuk bëhet fjalë për një favor ndaj një vendi të caktuar. Kjo ka të bëjë me të vërtetë për të sjellë të gjithë në bord”, shtoi ministri.

Kuleba theksoi se Kombet e Bashkuara me Sekretarin e Përgjithshëm António Guterres mund të jenë ndërmjetësi i mundshëm për bisedimet e paqes.

LEXONI GJITHASHTU: 

• Sulmet ndaj gazetarëve në veri të Kosovës, reagon ambasadori amerikan
• Ushtria serbe në Kosovë? Analistja: Nuk ndodh kurrë, Vuçiç thjesht propagandon
• UNHCR: Gjatë 2022, 100 milionë njerëz u detyruan të largoheshin nga shtëpitë e tyre