Sulmet ndaj gazetarëve në veri të Kosovës, reagon ambasadori amerikan

Ambasadori i Shteteve të Bashkuara të Amerikës në Kosovë, Jeffrey Hovenier, ka reaguar për sulmin ndaj gazetarëve në Zupç të Zubin Potokut gjatë mëngjesit të sotëm.

Përmes një postimi në Twitter, ai shprehet se mediat duhet të jenë në gjendje të punojnë lirshëm.

Ai thotë se dhuna dhe frikësimi nuk duhet të ekzistojnë në media, duke shtuar se gazetaria e lirë dhe e pavarur është gur themel i demokracisë.

“SHBA-ja i bashkohet Asociacionit të Gazetarëve të Kosovës – AGK dhe Bashkimit Evropian në Kosovë për të dënuar fuqishëm sulmin e fundit në seri kundër gazetarëve të Kosovës. Mediat duhet të jenë në gjendje të punojnë lirshëm nga kërcënimet me dhunë dhe frikësim. Gazetaria e lirë dhe e pavarur është gurthemel i demokracisë”, ka thënë Hovenier.

LEXONI GJITHASHTU: 

• Ushtria serbe në Kosovë? Analistja: Nuk ndodh kurrë, Vuçiç thjesht propagandon
• Koncert në Korçë, artistë nga Shqipëria e Kosova elektrizuan skenën e teatrit
• Zelensky i kërkon ndihmë kryeministrit indian për “planin e paqes”